Kórshi memleketterde izdeýde júrgen 9 kúdikti Túrkistan oblysynda ustaldy

<p>TÚRKІSTAN. KAZINFORM- Túrkistandyq tártip saqshylary kórshi memleketterde izdeýde júrgen kúdiktilerdi ustady. Olardyń ishinde bas bostandyǵynan aıyrý jazasynan qashqany úshin halyqaralyq izdeý jarııalanǵan qylmysker de bar.</p>

Túrkistan oblysy polıtsııa departamentiniń jedel qyzmetiniń polıtseıleri birqatar qylmystyq top pen zańsyz kóshi-qon arnalarynyń jolyn kesti. Nátıjesinde izdeýde júrgen qylmyskerler qolǵa tústi. Naqtyraq aıtsaq, uıymdasqan qylmysqa qarsy kúres basqarmasynyń qyzmetkerleri sheteldikterge memlekettik shekarany kesip ótip, qujattardy qoldan jasaý arqyly kómek kórsetken adamdar tobyn ustady.

«Túrkistan oblysy men Shymkent qalasynyń 5 turǵyny kúdikti bolyp shyqty, olardyń ekeýi buryn sottalǵan. Sondaı-aq kórshi memlekettiń 10 azamatyna shekaradan ótýge kómektesken Saryaǵash aýdanynyń eki turǵyny anyqtaldy. Ustalǵan sheteldikter kóshi-qon zańyn óreskel buzǵan», - delingen Túrkistan oblysy polıtsııa departamentiniń baspasóz qyzmeti usynǵan aqparatta.

Al, ekstremızmge qarsy kúres basqarmasynyń qyzmetkerleri men Túrkistan oblysy boıynsha UQKD shekara qyzmeti birlese otyryp, shekarany kesip ótpek bolyp qylmys jasaǵany úshin 2017 jyldan beri izdeýde júrgen kórshi memlekettiń bir azamatyn ustady. Sonymen qatar, kórshi memleketterde izdeý jarııalanǵan 9 kúdiktini qolǵa túsirdi.

«Barlyq anyqtalǵan fakti boıynsha sotqa deıingi tergep-tekserý bastalyp, zańda kózdelgen sharalar qabyldandy. Zańsyz kóshi-qon arnalaryn anyqtaý jáne jolyn kesý boıynsha jedel-izdestirý is-sharalaryn júrgizý aldaǵy ýaqytta da jalǵasady», - delingen vedomstva aqparatynda.