Kórshi elderge zańsyz ótkizedi: Ońtústikte benzın tutyný aıtarlyqtaı ósti

<p>ASTANA. KAZINFORM &mdash; QR Premer-Mınıstriniń birinshi orynbasary Roman Sklıardyń tóraǵalyǵymen ishki naryqty munaı ónimderimen qamtamasyz etý máselesi boıynsha keńes ótti.</p>

JJM naryǵyndaǵy aǵymdaǵy jaǵdaı boıynsha, elimizdiń ońtústik óńirlerinde AI-92, AI-95 benzınin jáne dızel otynyn tutyný aıtarlyqtaı óskeni baıqaldy.

Buǵan negizgi sebep bolyp otyrǵan jaǵdaılar — kórshi eldermen salystyrǵanda, Qazaqstandaǵy baǵa aıyrmashylyǵyna baılanysty munaı ónimderiniń syrtqa ketýi jáne «sur eksport».

Budan bólek, sońǵy ýaqytta shekarada suranysqa ıe munaı ónimderiniń «búrkenshik taýarlar» retinde eksporttalǵany tirkelgen.

Іshki naryqta tapshylyqty boldyrmaý maqsatynda QMA, UQK ShQ, QM MKK jáne basqa da múddeli memlekettik organdarmen birlesip shekaralyq ótkelderde JJM áketýdi baqylaýdy kúsheıtý tapsyryldy.

Sonymen qatar Premer-Mınıstrdiń birinshi orynbasary Energetıka mınıstrligine eksporttaýǵa ruqsat etilgen munaı ónimderiniń tizimin jańartýdy jáne otandyq munaı óńdeý zaýyttarynda munaı ónimderiniń turaqty óndirisin qamtamasyz etýdi tapsyrdy.