Koronavırýstyń jańa túri: Izraılde tótenshe jaǵdaı jarııalanýy múmkin

NUR-SULTAN. QazAqparat – Izraıl premer-mınıstri Naftalı Bennet memleketiniń «tótenshe jaǵdaı aldynda turǵanyn» jarııalap, barlyq ızraıldyqtardy «táýlik boıy jumys isteýge daıyndalýǵa» shaqyrdy, dep habarlaıdy QazAqparat VVS-ge silteme jasap.

Birneshe apta buryn elde «Omega» ulttyq jattyǵýlary ótkizildi, onda koronavırýstyń jańa túri áldeqaıda qaýipti bolyp, kóp adam kóz jumatyn bolsa, osy indetpen kúresý stsenarııi jasaldy.

«Ol kezde kópshilikke bul áreketimiz qyzyq bolyp kóringenimen, biz bul qadamǵa qazirgi jaǵdaıǵa aldyn ala daıyndalý úshin barǵan edik», - dedi Bennet.
Senbi kúni Izraıl premeri úkimettiń shuǵyl otyrysyn ótkizip, onda shetelden keletin azamattar úshin Ben Gýrıon atyndaǵy halyqaralyq áýejaıdyń jabylatyny sheshiledi.
Aıta keteıik, juma kúni DDU «Omıkron» dep atalatyn jańa túrin jarııalady.
Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.