Koronavırýstyń jańa shtamy órship keledi - DDSU basshysy

ASTANA. QazAqparat – Dúnıejúzilik densaýlyq saqtaý uıymynyń basshysy koronavırýstyń EG.5 D-19 shtamy órship kele jatqanyn eskertti, dep habarlaıdy QazAqparat Euronews-ke silteme jasap.

Keshe Jenevada sóz sóılegen uıym basshysy Tedros Adhanom Gebreısýs soltústik jarty sharda qys mezgili aldynda «alańdaıtyn úrdister» baıqalyp otyrǵanyn aıtty.

Onyń aıtýynsha, Taıaý Shyǵys pen Azııada ólim-jitim artyp keledi, al Eýropada koronavırýstyń osy nusqasyn juqtyryp, qarqyndy terapııa bólimine túsken naýqastar sany ósip, birqatar aımaqta aýrýhanaǵa túskender sany kóbeıgen.

Uıymnyń COVID-19 vırýsymen kúres júrgizý jónindegi tehnıkalyq jetekshisi Marııa Van Kerkhove «bul nusqa aınalymdaǵy basqa shtamdardy yǵystyrmaıtynyn» jáne bul jaǵdaı uıymdy qatty alańdatyp otyrǵanyn aıtty.

Gebreıesýs «COVID-19 vaktsınasynyń dozasyn almaǵan adamdar arasyndaǵy ımmýndaý deńgeıiniń tómendigi – úlken problemalardyń biri» ekenin atap ótti.

«Eger sizge vaktsınanyń qosymsha dozasyn alý usynylsa, tartynbańyz», - dep qosyp ótti DDSU basshysy.