Koronavırýstyń jańa shtamy: Ońtústik Afrıka Respýblıkasymen qandaı elder áýe qatynasyn shektedi

NUR-SULTAN. QazAqparat – Afrıkanyń ońtústiginde ataýy B.1.1.529 dep belgilengen koronavırýstyń jańa shtamy anyqtalyp, birqatar elder Ońtústik Afrıka Respýblıkasymen áýe qatynasyn toqtata bastady. Jańa shtamnyń mýtatsııalaný qabileti óte joǵary, dep habarlaıdy QazAqparat TASS-qa silteme jasap.

OAR-men áýe qatynasyn shektegen, sol elden kelgenderdi kirgizýge tıym salǵan elder qatary kóbeıdi.

Germanııa (áýe kompanııalaryna OAR aýmaǵyndaǵy FRG azamattaryn alyp qaıtatyn reısterdi ǵana jasaýǵa ruqsat berdi).

Izraıl (Afrıkanyń barlyq elderine barýǵa tyıym salyndy, bul qurlyqtyń soltústik bóligindegi elderge qatysy joq).

Ulybrıtanııa (OAR-men qatar Botsvana, Zımbabve, Lesoto, Namıbııa, Esvatını elderimen áýe qatynasyn toqtatty).

Sıngapýr (OAR, sonymen qatar Botsvana, Zımbabve, Lesoto, Mozambık, Namıbııa, Esvatınıden keletin sheteldikterdi qabyldamaıdy).

Bahreın (OAR, Namıbııa, Botsvana, Zımbabve, Lesoto jáne Esvatınıden keletinder kirgizilmeıdi).

Italııa (OAR, Lesoto, Botsvana, Zımbabve, Mozambık, Namıbııa jáne Esvatınıge keletinderge tyıym salyndy)

Nıderland (OAR-dan kelgen jolaýshy Shıphol áýejaıynda qalýy tıis).

Marokko (OAR-dan kelgender qabyldanbaıdy).

Frantsııa (OAR, Lesoto, Botsvana, Zımbabve, Mozambık, Namıbııa, Esvatınıge áýe qatynasy toqtatyldy).

Chehııa (OAR, Namıbııa, Lesoto, Svazılend, Zımbabve, Botsvana, Mozambık men Zambııada sońǵy eki aptada 12 saǵattan astam ýaqyt bolǵan azamattardyń kelýine tyıym salyndy).

Aýstrııa (OAR, Lesoto, Botsvana, Zımbabve, Mozambık, Namıbııa, Esvatınımen áýe qatynasyn shektedi).

Malaızııa (azamattaryna OAR, Botsvana, Zımbabve, Lesoto, Mozambık, Namıbııa jáne Esvatınıge barýyna tyıym saldy).

Reseı (OAR, Botsvana, Lesoto, Namıbııa, Zımbabve, Mozambık, Madagaskar, Esvatını, Tanzanııa aýmaǵynda turatyn sheteldikterdiń elge kelýin shektedi).