Koronavırýstyń jańa shtamy álemniń 41 elinde anyqtaldy

NUR-SULTAN. QazAqparat – Eýropanyń birqatar eli koronavırýstyń taralýyna baılanysty shekteý sharalaryn keńeıtip jatyr. Bul týraly QazAqparat Qazaqstanda koronavırýstyń taralýyna jol bermeý jónindegi VAK jumysy týraly telegram kanalǵa silteme jasap habarlaıdy.

2021 jyldyń 5 qańtarynan bastap Ulybrıtanııada úshinshi ret qa tań karantınge jabyldy . Elde táýligine indetti juqtyrǵandardyń 60 myńnan astam jańa derekteri tirkelýde. Ulybrıtanııa úkimetiniń bas medıtsınalyq keńesshisi Krıs Ýıttıdiń aıtýynsha, Anglııada árbir 50 adamnyń bireýi koronavırýs ınfektsııa syn juqtyrǵan.

Germanııada bıligi de shekteý sharalaryn keńeıtip jatyr. Germanııa Kantsleri Angela Merkel jalpyulttyq karantındi qańtardyń sońyna deıin uzartatynyn jáne indettiń taralýyn toqtatý úshin jańa, qatań sharalar engiziletinin málimdedi. Dúkender men meıramhanalar, sondaı-aq mektepter qańtardyń sońyna deıin jabyq, oqýshylar qashyqtyqtan oqýǵa aýystyrylǵan.

Frantsııa memleketi ekpe egý qarqynyn jedeldetýge tyrysýda. El turǵyndary arasynda ekpege kúmánmen qaraýshylar basym, sondyqtan Frantsııada vaktsınatsııa kórshiles Eýropa elderine qaraǵanda áldeqaıda baıaý júrýde - ekpe qabyldaǵan adamdardyń sany 3000 aspaıdy.

Germanııada qazirdiń ózinde 270 myńǵa jýyq adam ekpe alsa, Ulybrıtanııada mıllıonnan astam adam ekpelerin alǵan.
Búgingi kúnde, COVID-19 koronavırýsynyń «brıtandyq» shtamy álemniń 41 elinde anyqtalǵan.

Eske salsaq, koronavırýstyń jańa shtamy týraly tolyq málimetterdi myna jerden kórýge bolady. Ázirge Qazaqstanda mundaı shtamy bar aýyrý belgileri tirkelgen joq.