Koronavırýstyń taralý qaýpi údep barady - mınıstr
16:19, 28 Naýryz 2020
NUR-SULTAN. QazAqparat – Elimizde koronavırýs indetiniń taralýy údep barady. Bul týraly QR Aqparat jáne qoǵamdyq damý mınıstri Dáýren Abaev Habar 24 arnasynda ótken onlaın brıfıngte aıtty.
«Bul tikeleı efırdi onlaın brıfıng emes, úndeý dep qabyldaǵan jón. Ózderińiz kórip otyrsyzdar, indettiń taralýy údep barady. Bir túnde koronavırýs juqtyrǵan qyryqtan astam adam anyqtalǵany – alańdatatyn jaǵdaı. Qazir vırýs juqtyrǵandardyń sany 204-ke jetti. 1899 adam statsıonarlyq karantınde. Úsh jarym myńnan astam adam úı karantıninde jatyr. 6 myńnan astam aýyrǵandarmen baılanysta bolǵan. Olardyń 95%-ynyń kim ekeni anyqtaldy. Biz óte kúrdeli kezeńde turmyz. Vırýs taralýyn baqylaı almaı qalý qaýpi týyndap otyr», - deıdi Dáýren Abaev.