Koronavırýstyń omıkron shtamy egde jastaǵylarǵa qalaı áser etedi

ALMATY. QazAqparat - Koronavırýstyń omıkron shtamy qart kisiler úshin qaýipti. Bul týraly brıfıng barysynda Almaty qalasy sanıtarlyq-epıdemıologııalyq baqylaý departamentiniń basshysy Qasymhan Alpysbaıuly aıtty, dep habarlaıdy QazAqparat tilshisi.

«Adamnyń jasy neǵurlym úlken bolsa, koronavırýs soǵurlym qaýipti bolady. Omıkron shtammyn jıi juqtyrǵan adamdardyń úlesi 60 jastan asqan, 29,4% nemese 334 jaǵdaıdy qurady. Egde jastaǵy patsıentterge koronavırýsqa shaldyǵý qaýipti, sondyqtan olarǵa vaktsınatsııa jasaý kerek», - dedi Qasymhan Alpysbaıuly.

20-39 jas aralyǵyndaǵy jáne 40-59 jas aralyǵyndaǵy azamattar kóbinese birdeı dárejede juqtyrady – 24%.

«14 jasqa deıingi balalar arasynda juqtyrý aıtarlyqtaı joǵary deńgeıde qalady – 17%, sondaı-aq 70 jáne odan joǵary jastaǵy zeınetkerlerdi juqtyrý-16%. Bul fakt 12 jastan asqan jasóspirimder, sondaı-aq 60 jastan asqan adamdar arasynda vaktsınatsııalaý qajettiligin kórsetedi. Sońǵy 7 kúnde 1 jasqa deıingi balalar arasynda ınfektsııa 2,9% qurady (22 jaǵdaı)»,- dedi ol.

Ótken aptada indetke shaldyqqandardyń 92%-nyń negizgi juqtyrý oryndary: saýda obektileri – 32%, qoǵamdyq kólik – 27%, otbasylardaǵy baılanystar – 23% jáne bazarlar – 10% bolyp otyr.

Ashyq jobasyna qatysýshy obektilerde juqtyrý 8-den 10%-ǵa deıin ósti, bul kirý toptaryndaǵy ishinara formaldy jumystyń jáne úı karantınin buzatyn naýqas azamattardyń habardar emestiginiń aıǵaǵy.

Bas sanıtarlyq dáriger Almatyda ózin-ózi oqshaýlaý rejımin buzǵany úshin «qyzyl» mártebesi bar 16 adam ákimshilik jaýapqa tartylyp, aıyppul tólegenin jetkizdi.