Koronavırýstyń Omicron BA.5 shtamy nege sonsha qaýipti

VAShINGTON. QazAqparat – Omicron BA.5 aqýyzynda úsh negizgi mýtatsııa bar, bul ony jasýsha juqtyrýda jáne adamnyń ımmýndyq qorǵanysyn jeńýde tıimdi etedi, dep habarlaıdy QazAqparat CNN-ge silteme jasap.

BA.5 eki aıdyń ishinde buǵan deıingi shtamdardy basyp ozyp, Qurama Shtattardaǵy epıdemııanyń negizgi sebebine aınaldy.

AQSh aýrýlardy baqylaý jáne aldyn alý ortalyǵynyń sońǵy málimetinshe, ótken aptada Amerıkada koronavırýs juqtyrǵan 3 adamnyń ekeýinen osy shtamm tabylǵan.

AQSh aýrýlardy baqylaý jáne aldyn alý ortalyǵynyń dırektory doktor Roshel Valenskı BA.5 klınıkalyq aýyrlyǵy týraly bilmeıtinin aıtty.

Vırýstyń basqa nusqalarymen salystyrǵanda, osy shtamm adam ımmýnıtetine tózimdi jáne tez juǵady.

AQSh-ta kovıd juqtyrý jaǵdaılarynyń resmı sany kúnine shamamen 110 myń adamdy qurap otyr.

Vashıngton ýnıversıtetiniń ǵalym professory Alı Mokdadtyń aıtýynsha, tirkelgen árbir jaǵdaıǵa 7 tirkelmegen jaǵdaı teń keledi.

Amerıka Qurama Shtattarynda kúndelikti aýrýhanaǵa jatqyzý sany da artyp keledi.

Intensıvti terapııany qajet etetin patsıentterdiń úlesi sońǵy eki aptada shamamen 23%-ǵa ósti.