Koronavırýstyń delta nusqasynan alynǵan ımmýnıtet omıkronnan qorǵamaıdy - professor

ALMATY. QazAqparat- Koronavırýsqa qarsy vaktsınatsııadan alty aı ótken soń revaktsınatsııadan ótý óte mańyzdy. Bul týraly Almaty óńirlik kommýnıkatsııalar qyzmetiniń onlaın-brıfıngi barysynda medıtsına ǵylymdarynyń doktory, S. Asfendııarov atyndaǵy Qazaq ulttyq medıtsına ýnıversıtetiniń juqpaly jáne tropıkalyq aýrýlar kafedrasynyń professory Kúlásh Qurmanova aıtty, dep habaplaıdy QazAqparat tilshisi.

Spıkerdiń sózinshe, koronavırýstyń delta nusqasynan alynǵan ımmýnıtet omıkron ınfektsııasynan qorǵamaıdy.

Sonymen qatar, ol vaktsınalarmen egilgen jáne qosymsha údetkish dozasyn alǵan adam ǵana tolyq ımmýnıtetke ıe bolatynyn túsindirdi.
«Revaktsınatsııa qorǵanys antıdenelerin óndirýdi jáne koronavırýsqa qarsy jasýshalyq ımmýnıtetti kúsheıtedi. Demek, revaktsınatsııa omıkronnan da, basqa da mýtatsııalanǵan shtamdardan da qorǵaıdy», - dedi Kúlásh Qurmanova.
Aıta keteıik, búgin Almatyda 119 vaktsınatsııa pýnktinde KVI revaktsınatsııasy jasalady.
Resmı derekke súıensek revaktsınatsııadan 200 148 almatylyq ótti.