Koronavırýstyń «delta» nusqasy 132 elden tabyldy - DDSU

Foto: None
NUR-SULTAN. QazAqparat - Dúnıejúzilik densaýlyq saqtaý uıymynyń Bas dırektory Adan Gebreısýs adamzat Sovid-19 saldarynan naqty qaýip kezeńin bastan ótkerip jatqanyn aıtty, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.

Koronavırýstyq ınfektsııaǵa qarsy vaktsınatsııa aýrýǵa qarsy kúreste alǵa jyljýǵa kómektesti, degenmen jeńis áli alys.

SARS-CoV-2 ınfektsııasyn álem boıynsha juqtyrýdyń jalpy sany 200 mıllıonnan asty, degenmen is júzinde bul kórsetkish áldeqaıda joǵary. Koronavırýstyń «delta» nusqasy 132 elde tabyldy. Gebreısýs tabysy tómen elderde vaktsına jetispeýshiligi qatty seziledi, olar ekpege asa muqtaj ekenin atap ótti.

Ońtústik Koreıada qatań karantın ázirge alynbaıdy. El bıligi koronavırýs ınfektsııasy taralýynyń joǵary deńgeıine baılanysty úsh kún qatarynan 1,7 myńnan astam vırýsqa shaldyǵý jaǵdaılaryn tirkeýde, qatań shekteýler taǵy eki aptaǵa sozylady. Bul - saǵat 18:00-den keıin eki adamnan artyq toptyq jınalýǵa tyıym salý. Atalǵan sharalar eń aldymen tamaqtaný oryndaryna qatysty. Sarapshylar COVID-19 aýrýynyń ósýin SARS-CoV-2 «delta» shtamynyń tez taralýymen baılanystyrady. Ońtústik Koreıada pandemııa bastalǵannan beri 207 406 koronavırýs tasymaldaýshysy anyqtaldy.

Covid-19 Tumandy Albıonǵa «shabýyl» jasaýda. Ulybrıtanııada ótken táýlikte koronavırýs ınfektsııasynyń 30 215 jaǵdaıy anyqtalyp, 86 adam qaıtys boldy. Jalpy alǵanda, vırýs juqtyrǵandar sany 5 982 581-ge jetti, aýrý saldarynan kóz jumǵandar sany-130 086 adamdy qurady. Shilde aıynda elde birqatar karantın shekteýleri alynyp tastaldy, nátıjesinde ınfektsııa juqtyrý faktileri kóbeıe bastady.

«Anglııanyń Qoǵamdyq densaýlyq saqtaý» uıymynyń málimetteri boıynsha aýrýhanaǵa jatý derekteri 85 jáne odan joǵary jastaǵy adamdar arasynda kóptep baıqalady. Ulybrıtanııadaǵy eresek turǵyndardyń 88%-dan astamy COVID-19 vaktsınasynyń alǵashqy dozasyn aldy jáne 73% vaktsınatsııanyń tolyq kýrsynan ótti.


Seıchas chıtaıýt