Koronavırýstyń aýyr ne jeńil túrde ótýi shtamdarǵa baılanysty emes - maman

NUR-SULTAN. QazAqparat – Ortalyq kommýnıkatsııalar ortalyǵynda ótken brıfıngte dáriger kóktemgi, jazǵy, kúzgi jáne qańtar aıynyń ekinshi jartysyndaǵy koronavırýs shtamdarynda qandaı aıyrmashylyq bar ekenin aıtty, dep habarlaıdy QazAqparat tilshisi.

«Búgingi tańda Qazaqstan boıynsha úsh mekeme koronavırýstyń qozdyrǵysh genomyn arnaıy zertteýmen aınalysady. Olar: Ulttyq saraptama ortalyǵy, Ulttyq bıotehnologııa ortalyǵy jáne Nazarbaev ýnıversıteti. Olar zertteýlerin halyqaralyq bazaǵa salady. Brıtanııalyq shtam men brazılııalyq shtamnyń adamǵa juǵý qaýpi joǵary bolady. Qazaqstandaǵy vırýstyń shtamdarynda úlken mýtatsııalar anyqtalmaǵan, sondyqtan odan qorǵaný sharalary ázirge ózgerissiz qalady», - deıdi «Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵy» fılıaly dırektorynyń orynbasary Manar Smaǵul.

Onyń aıtýynsha, koronavırýstyń aýyr ne jeńil túrde ótýi shtamdarǵa baılanysty emes.

Eske sala ketsek, buǵan deıin koronavırýs juqtyrǵandardyń aýrý belgileri 2 aıdan 2 jylǵa deıin saqtalyp qalatyny týraly jazǵan bolatynbyz.