Koronavırýstan jazylyp shyqqan adamdardyń esimi jarııalanbaıdy
«Keshe aıtqanymyzdaı koronavırýstan eki adam jazylyp, aýrýhanadan shyqty. Olardyń bireýi Almaty, ekinshisi Nur-Sultan qalasynda emdeldi. Densaýlyq saqtaý mınıstrliginiń habary boıynsha, keshe osy aqparat taraǵan soń BAQ ókilderi patsıentter týraly surap, habarlasqan eken. Sondyqtan dárigerlik qupııany saqtaý jóninde taǵy da bir eske salamyz. Eshkim de koronavırýspen aýyrǵan adam retinde aty shyqqanyn qalamaıtyn shyǵar. Sizder sol adamnyń ornyna ózderińizdi qoıyp kórińizder. Olardyń barlyǵy óz azamattarymyz», - dedi Dáýren Abaev.
Onyń aıtýynsha, koronavırýstan jazylǵan azamattar ózderine qatysty jeke málimetterdi jarııa etpeýge quqyqtary bar.
«Biz ony syılaýymyz kerek. Sonymen birge eger ol adamdar týraly qandaı da bir aqparat tapsańyzdar, ol kisilerdiń ruqsatynsyz eshkimge bermeýlerińizdi suraımyz», - dedi mınıstr.