Koronavırýstan jazylǵandarǵa oraza ustaýǵa bola ma

NUR-SULTAN. QazAqparat – Koronavırýstan jazylǵandarǵa oraza ustaýǵa bola ma? Bul saýalǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jaýap berdi, dep habarlaıdy QazAqparat tilshisi.

«Dinimiz jeńildikti qalaıdy. Eger koronvırýspen aýryp, jazylǵannan keıin densaýlyǵyńyz oraza ustaýǵa jarasa, esh kedergi joq. Oraza ustaı berýińizge bolady. Al dáriger sizge qaýipti bolatyndyǵyn, ımmýnıtetińiz álsiz ekendigin aıtyp, oraza ustaýǵa bolmaıdy dese, ustamańyz. Immýnıtetińizdi jaqsartyp, oraza bitkennen keıin de ustamaǵan kúnderińizdi tolyqtyryp alýyńyzǵa bolady», - dedi Naýryzbaı qajy Taǵanuly Ortalyq kommýnıkatsııalar qyzmetindegi brıfıng barysynda.