Koronavırýstan jazylǵandar qalaı kútinýi kerek
«Aýyl» partııasynyń bastamasymen ótken onlaın semınarda óńirdegi dárigerler koronavırýstan jazylǵandardyń endi qandaı aldyn alý sharalaryn júrgizýin surady.
«Koronavırýs ınfektsııasy eń aldymen qan júıesine soqqy beredi. Sondyqtan qannyń qoıýlyǵyna nazar aýdarý kerek. Koronavırýs ınfektsııasynyń bakterıofagy ishki organdardy, eń aldymen ókpeni zaqymdaıdy. Sondyqtan kovıd pnevmonııasy keń taralyp otyr. Sonymen birge ol búırek pen júrekke de áser etedi. Koronavırýstan keıin koagýlogramma men D-dımer kórsetkishterin baqylap otyrý kerek. Bul jaǵdaıda qannyń uıyp qalýynyń barlyq parametrlerin qarastyrǵan jón. Osy parametrler negizinde ári qaraı ne isteý kerektigin talqylaımyz», - dedi G. Idenova.
Sonymen birge dáriger psıhıkalyq ońaltýdyń da óte mańyzdy ekenin atap ótti.
«Koronavırýs adamdardyń psıhıkasyna qatty áser etti. Onyń saldarynan óte qatty nevroz, depressııa jáne sheksiz apatııa týyndaýy múmkin. Osy máselege de aıryqsha nazar aýdarǵym keledi», - dedi Gúlnazııa Idenova.
Aıta keteıik, «Aýyl» halyqtyq-demokratııalyq patrıottyq partııasy aýyldaǵy medıtsınalyq qyzmetkerlerge koronavırýs ınfektsııasy bar naýqastardy emdeý jóninde onlaın semınar ótkizdi.
Onlaın semınarǵa 100-ge jýyq aýyl dárigerleri, feldsherler, túrli sanattaǵy medıtsınalyq qyzmetkerler Zoom platformasy arqyly qosyldy.