Koronavırýstan keıingi ońaltý qansha kezeńge sozylady

NUR-SULTAN. QazAqparat – Ońaltý kómegi jónindegi ulttyq úılestirýshi, dáriger-reabılıtolog Aıgúl Hasenova koronavırýstan keıingi saýyqtyrý qansha kezeńge sozylatynyn aıtty, dep habarlaıdy QazAqparat tilshisi.

«Ońaltýdyń úsh kezeńi bar. Birinshi kezeń – adam endi aýyryp, erterek ońaltý qajettiligi. Bul kezeń negizgi aýrýdy emdeý protsesin qamtıdy. Odan keıin kúrdeli protsess bolyp, adam densaýlyǵy birshama nasharlaǵan kezde ońaltýdyń ekinshi kezeńine kóshedi. Bul kezeń aýyrǵan sátten bastap 9 aı boıy júredi. Atalǵan kezeńde ońaltýdyń ekinshi kezeńin ótkizýge kelisishart jasalǵan staıonarlarda naýqas táýlik boıy bolady», - dedi ol COVID-19-dan keıingi ońaltý máselelerine arnalǵan onlaın dáris barysynda.

Onyń aıtýynsha, munan keıin patsıent ońaltýdyń úshinshi kezeńine tap bolady.

Al bul kezeńdegi saýyqtyrý ereksekter úshin jylyna 2 ret, balalar úshin 3 ret ótýi múmkin.

«Árıne, beıindi mamandarmen birlese otyryp baǵa beretin, saýyqtyrý áleýetin aıqyndaıtyn mýltıdıstsıplınarlyq komanda da bar. Óıtkeni, keı naýqastar ońaltýdyń ekinshi kezeńinen attap ótip, birden úshinshi kezeńine túsip jatady», - dedi Aıgúl Hasenova.