Koronavırýstan álemde 6,2 mln adam qaıtys boldy

NUR-SULTAN. QazAqparat –Koronavırýs ınfektsııasynyń pandemııasy bastalǵaly beri álemde atalǵan indetten 6,2 mln adam qaıtys boldy. QazAqparat bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalyna silteme jasap habarlaıdy.

AQSh-tyń Djons Hopkıns ýnıversıtetiniń málimetine sáıkes, pandemııa bastalǵannan beri álemde koronavırýs ınfektsııasynyń tirkelgen jaǵdaılarynyń sany búginde 527 339 770 jetti. Qaýipti indetten 6 283 025 adam qaıtys boldy.

Infektsııanyń 20 mıllıonnan astam jaǵdaıy anyqtalǵan elder qataryna AQSh, Úndistan, Brazılııa, Frantsııa, Germanııa jáne Ulybrıtanııa bar.

Koronavırýsty juqtyrǵan jáne odan kóz jumǵandar sany:

AQSh - 83 706 662 jáne 1 003 743,

Úndistan - 43 144 820 jáne 524 525,

Brazılııa - 30 851 191 jáne 666 261,

Frantsııa - 29 605 798 jáne 149 095,

Germanııa - 26 198 811 jáne 138 779,

Ulybrıtanııa - 22 462 129 jáne 178 973.