Koronavırýstan 1 naýqas qaıtys boldy – mınıstrlik

NUR-SULTAN. QazAqparat – QR Densaýlyq saqtaý mınıstrligi koronavırýsqa shaldyqqan naýqastar týraly málimet usyndy, dep habarlaıdy QazAqparat.

Vedomstvo dereginshe, indetten elimizde 1 naýqas qaıtys boldy. Koronavırýs pnevmonııasy 3 adamnan anyqtaldy.

Qazir óńirlerde koronavırýstan 15 832 adam, sonyń ishinde 15 598-i koronavırýstan (KVI+) jáne 234-i koronavırýs pnevmonııasynan (KVI-) emdelip jatyr. 338 patsıent statsıonarda jatsa, 15 494 naýqas ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:

- 14 adamnyń jaǵdaıy aýyr,

- 2 patsıenttiń jaǵdaıy óte aýyr,

- 3 naýqas ókpeni jasandy jeldetý apparatyna qosylǵan.