Koronavırýspen kúres: Medqyzmetkerlerge 116 mlrd teńge ústemaqy tólendi

NUR-SULTAN. QazAqparat – Koronavırýspen kúreske jumyldyrylǵan mamandarǵa 116 mlrd teńge baǵyttaldy. Bul týraly Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Epıdemııaǵa qarshy is-sharalarǵa jumyldyrylǵan medıtsınalyq qyzmetkerlerge materıaldyq kómek jasaldy. KVI-men kúreske tikeleı tartylǵan táýekeldiń úsh toby boıynsha 116 mlrd teńge somasynda ústemaqy tólendi», - dedi Alekseı Tsoı Májilistegi Úkimet saǵatynda.

Onyń aıtýynsha, 2020 jyly dárigerlerdiń ortasha jalaqysy 30 paıyzǵa, orta medıtsına jumyskerleriniń jalaqysy 20 paıyzǵa artty.

Aıta keteıik, Alekseı Tsoı Qazaqstanda KVI juqtyrý qarqyny boıynsha tórt tolqyny ótkenin málim etti.