Koronavırýspen basqa qalada aýyryp qalǵan jaǵdaıda ne isteý kerek

ALMATY. QazAqparat – Almatydaǵy I. S. Jekenov atyndaǵy qalalyq klınıkalyq juqpaly aýrýlar aýrýhanasynyń bas dárigeriniń emdeý jumysy jónindegi orynbasary, ınfektsıonıst dáriger Tamara Utaǵanova ÓKQ alańynda ótken brıfıngide basqa qalada koronavırýspen aýyryp qalǵan jaǵdaıda ne isteý kerektigin aıtty, dep habarlaıdy QazAqparat tilshisi.

«Eger adam belgili bir jaǵdaıǵa baılanysty basqa qalaǵa baryp, koronavırýs ınfektsııasynyń belgilerin baıqasa, ol birinshi kezekte jedel járdem qyzmetine nemese telemedıtsına ortalyǵyna habarlasýy kerek. Pandemııa kezinde koronavırýs juqtyrǵan naýqastarǵa qashyqtyqtan kómek kórsetiledi. Eger adamǵa koronavırýs dıagnozy qoıylsa oǵan qajetti medıtsınalyq kómek kórsetiledi», - dedi ınfektsıonıst dáriger.

Buǵan deıin mobıldi top qandaı jaǵdaılarda úıge keletini týraly jazǵan bolatynbyz.

Búgingi kúni ınfektsııalyq statsıonarlarda 1 520 adam em qabyldap jatyr. Onyń ishinde 117 bala bar.