Koronavırýspen aýyrǵandar qansha ýaqyttan soń vaktsına alady – maman jaýaby

ALMATY. QazAqparat- Koronavırýspen aýyrǵan naýqas jazylǵannan keıin alty aıdan soń vaktsınatsına alýy kerek. Mundaı usynysty Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova berdi, dep habarlaıdy QazAqparat tilshisi.

«Eger adam óziniń koronavırýs ınfektsııamen aýyrǵanyn naqty bilse, onda ol vaktsınany alty aıdan soń ǵana saldyrady. Bul «omıkron», «delta» jáne basqa da shtammǵa baılanysty. Bul týraly qaýlylarda, normatıvtik quqyqtyq aktilerde kórsetilgen. Immýndyq júıeniń jumysyn eskere otyryp, ekpe jarty jyldan keıin ǵana júrgiziledi», – deıdi Ásel Qalyqova.

Buǵan deıin ol Almatyda balalar koronavırýsty jıi juqtyra bastaǵanyn aıtqan bolatyn.

Aıta keteıik, megapolıste Ashyq jobasynyń arqasynda «qyzyl» jáne «sary» mártebesi bar 1255 turǵyn anyqtaldy.