Koronavırýspen aýyrǵan 400-ge jýyq almatylyq ońaltýdan ótti

ALMATY. QazAqparat - COVID-19-dan saýyqqan 400-ge jýyq almatylyq medıtsınalyq saqtandyrý esebinen postkovıdtik ońaltýdan ótti. Bul týraly Almaty qalasynyń Áleýmettik medıtsınalyq saqtandyrý qorynyń dırektory Tileýhan Ábildaev aıtty, dep habarlaıdy QazAqparat tilshisi.

Spıkerdiń aıtýynsha, Almatyda 400-ge jýyq patsıent jalpy 285,4 mln teńgege koronavırýstan keıin emdeldi.

«Búgin biz postkovıdtik ońaltý boıynsha jetkizýshilerdi, sonyń ishinde jeke jetkizýshilerdi tartý boıynsha jumys jasaımyz.Atap aıtqanda, aımaqtyq komıssııa ońaltýdyń osy túrine qatysý úshin kezekti konkýrs jarııalady. Aldyn ala málimetter boıynsha, Almaty qalasynda postkovıdtik ońaltý boıynsha jetkizýshiler tizimi eki sýbektige deıin ósti», - dedi ol.

Sonymen qatar, ol konsýltatsııalyq-dıagnostıkalyq kómek kórsetý úshin medıtsınalyq uıymdarǵa shamamen 8,9 mlrd teńge tólengenin atap ótti. Onyń ishinde KT men MRT barynsha suranysqa ıe.

«Birinshi jartyjyldyqta Almatyda 386,6 mln teńgege 30 468 KT qyzmeti, shamamen 400 mln teńgege 29 789 MRT qyzmeti kórsetildi. 767,7 mln teńge somasynda onkologııalyq isikterdi anyqtaý boıynsha 3040 PET-dıagnostıkasy júrgizildi»,-dedi Tileýhan Ábildaev.

MÁMS júıesi aıasynda josparly skrınıngtik tekserýlerden ótýge 508,3 mln bólindi.