Koronavırýsqa shaldyqqan 11 naýqastyń jaǵdaıy aýyr

NUR-SULTAN. QazAqparat – Qazaqstanda koronavırýstan emdelip jatqan 11 naýqastyń jaǵdaıy aýyr. Bul týraly indettiń taralýynyń aldyn alý jónindegi vedomstvoaralyq komıssııa málimetinde aıtyldy, dep habarlaıdy QazAqparat.

12 mamyrdaǵy derekke súıensek, osy kúnderi el óńirlerinde koronavırýstan 1 193 adam (–492+ jáne 701 KVI-) emdelip jatyr. Olardyń ishinde 68 patsıent statsıonarda, 1 125 naýqas ambýlatorııalyq deńgeıde em qabyldaýda.

KVI+ (koronavırýs), KVI- (koronavırýs pnevmonııasy) shaldyqqandar arasynda 11 adamnyń jaǵdaıy aýyr, 1 naýqas ókpeni jasandy jeldetý apparatyna qosylǵan.

Sondaı-aq taratylǵan habarlamaǵa sáıkes, 10 mamyr kúni Qazaqstanda koronavırýs ınfektsııasynyń belgileri bar pnevmonııanyń 1 jaǵdaıy tirkeldi, 24 adam dertten aıyqty.

Jalpy, byltyrǵy 13 naýryzdan bastap koronavırýs pnevmonııasy 89 043 adamnan anyqtaldy, sonyń ishinde jazylyp shyqty 82 988 naýqas, qaıtys boldy – 5 353 adam.