Koronavırýsqa PTR-anyqtamasy bolmaǵan ózbekstandyq Nur-Sultan áýejaıynan deportatsııalandy

NUR-SULTAN. QazAqparat - 25 sáýirde Qazaqstan aýmaǵyna AQSh, Germanııa, Maldıv Respýblıkasy, Birikken Arab Ámirlikteri, Mysyr, Túrkııa, Ýkraına, Reseı, Tájikstan, Ózbekstan jáne Qyrǵyzstannan 27 halyqaralyq áýe reısi ushyp keldi, dep habarlaıdy QazAqparat.

Ótken táýlikte elimizge áýe jolymen barlyǵy 4 307 jolaýshy keldi. Onyń ishinde:

- Almaty qalasynyń áýejaıyna – 16 reıs, 2 590 jolaýshy;

- Nur-Sultan qalasynyń áýejaıyna – 7 reıs, 1 140 jolaýshy;

- Shymkent qalasynyń áýejaıyna – 2 reıs, 311 jolaýshy;

- Atyraý qalasynyń áýejaıyna – 1 reıs, 153 jolaýshy;

- Túrkistan qalasynyń áýejaıyna – 1 reıs, 113 jolaýshy.

QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetinen málim etkendeı, 25 sáýir kúni «Tashkent – Nur-Sultan» avıareısimen koronavırýsqa PTR-anyqtamasyz ushyp kelgen Ózbekstan azamaty Nur-Sultan qalasynyń áýejaıynan deportatsııalandy.