Koronavırýsqa qatysy joq aýrýlarǵa baılanysty ahýaldy nasharlatyp almaýymyz kerek - Toqaev

NUR-SULTAN. QazAqparat – Koronavırýsqa qatysy joq aýrýlarǵa baılanysty ahýaldy nasharlatyp almaýymyz kerek. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Koronavırýsqa qatysy joq aýrýlarǵa baılanysty ahýaldy nasharlatyp almaýymyz kerek. Pandemııa kezinde josparly skrınıngter men ota jasaý keıinge qalyp jatyr. Burynnan bar standartty ekpeler kóptegen balaǵa salynbaı qaldy. Árıne, buǵan jol berýge bolmaıdy. Medıtsına salasyna qomaqty qarjy quıý kerek. Bul qarajat ınfraqurylymǵa, maman daıarlaýda jáne halyqty dári-dármekpen qamtamasyz etýge jumsalýy tıis», - dedi Memleket basshysy.