Koronavırýsqa qarsy vaktsınanyń qorǵaýshy áseri neshe kúnde paıda bolady

NUR-SULTAN. QazAqparat – Koronavırýsqa qarsy vaktsınanyń qorǵaýshy áseri neshe kúnde paıda bolady? Bul suraqqa onlaın konferentsııa barysynda QR DSM Sanıtarııalyq-epıdemıologııalyq baqylaý komıtetiniń vaktsınaǵa kónetin ınfektsııalardy baqylaý basqarmasynyń basshysy Nurshaı Ázimbaeva jaýap berdi, dep habarlaıdy QazAqparat tilshisi.

«Vaktsınalaýdyń qorǵaýshy áseri alǵashqy dozany salǵannan keıin 12-14 kúnde paıda bolady. Alaıda tolyqqandy qorǵanysty qamtamasyz etý úshin ekinshi dozany salý kerek. Jalpy vaktsına salynǵannan keıin eki aptadan soń adamnyń aǵzasynda antıdene paıda bolady. Immýndyq júıe vırýsty tanyp, antıdenelerdi (beloktardy) týǵyza bastaıdy. Aǵza vırýsty tanı túsedi. Mundaıda vırýs qaıtadan aǵzaǵa tússe, ımmýndyq júıe ony birden tanyp, birden kózin joıady. ıAǵnı onyń kóbeıýine, aýrý týyndatýyna jol bermeıdi», - dedi Nurshaı Ázimbaeva.

Onyń aıtýynsha, vaktsınanyń bir ǵana dozasyn alǵan adamnyń ımmýnıtetindegi qorǵanys qabileti uzaqqa barmaıdy. Sol úshin qorǵanys qabiletin arttyrý úshin ekinshi doza salynady.

Eske sala ketsek buǵan deıin Nurshaı Ázimbaeva aqyly ekpe kabınetterinde KVI-ge qarsy vaktsına salynbaıtynyn eskertken edi.