Koronavırýsqa qarsy Pfizer vaktsınasy Eýropanyń 27 eline jetkizilmek

BRıÝSSELЬ.QazAqparat – Aýyr júk tasyǵysh kólikterdiń alǵashqy legi jergilikti polıtsııanyń súıemeldeýimen Pýýrs (Belgııa) aımaǵyndaǵy amerıkalyq Pfizer kompanııasynyń zaýytynan shyqty. Júk kólikteri Eýropalyq Odaqtyń barlyq 27 eline preparat jetkizetin bolady, dep habarlaıdy QazAqparat menshikti tilshisi.

Tońazytqysh qondyrǵylarmen jabdyqtalǵan úsh úlken júk kóligi polıtsııa avtokólikterimen birge zaýyttan shyǵyp, «Essers transport» logıstıkalyq ortalyǵyna bet aldy. Ári qaraı vaktsına EO-nyń basqa elderine taratylady.

Pfizer vaktsınasyn Tselsıı shkalasy boıynsha 70-ten 80 gradýsqa deıingi temperatýrada saqtaý kerek. Sondyqtan júk kólikteriniń júrgizýshileri tótenshe jaǵdaılarda áreket etýge arnaıy daıyndalǵan.

Pfizer jáne BioNTech jasaǵan vaktsına dúısenbide Eýropalyq dári-dármek agenttiginiń ruqsatyn aldy jáne olardy sol kúni Eýropalyq komıssııa maquldaǵan bolatyn.

Eýropalyq Komıssııanyń Prezıdenti Ýrsýla fon der Lıaıen vaktsına EO-nyń barlyq elderine «bir ýaqytta jáne birdeı sharttarda» qoljetimdi bolady dep málimdegen edi.

Álemdik deńgeıde Pfizer vaktsınasy AQSh, Ulybrıtanııa jáne Shveıtsarııada qoldanýǵa maquldanǵan.

Budan buryn habarlanǵandaı, aldyn ala nátıje kórsetkendeı, ǵalymdar koronavırýstan 90% qorǵaıtyn tıimdi vaktsınany jasap shyǵardy.

Pfizer jáne BioNTech ázirleýshi kompanııalar bul oqıǵany ǵylym men adamzat úshin uly kún dep atady. Klınıkalyq synaqtarǵa álemniń alty elinde 43500 adam qatysyp, onyń esh janama áseri bolmady. Ázirleýshiler jańa vaktsınany qarasha aıynyń sońynda qoldanyp kórmek. Sol úshin jedel sertıfıkattaý protsedýrasyna ótinish berýdi josparlap otyr.