Koronavırýsqa qarsy qazaqstandyq sýbbirlikti vaktsına klınıkalyq zertteýler satysyna jetti
Bul týraly QR Bilim jáne ǵylym mınıstrligi málimdedi, dep habarlaıdy QazAqparat tilshisi.
QR Bilim jáne ǵylym vıtse-mınıstri Mıras Dáýlenovtyń aıtýynsha, Bıologııalyq qaýipsizdik máseleleri ǵylymı-zertteý ınstıtýty ártúrli zertteý túrlerimen aınalysyp jatyr.
«Instıtýt vaktsınanyń basqa da túrlerin ázirleıdi. Sondaı vaktsınalardyń biri – sýbbirlikti (rekombınantty) vaktsına klınıkalyq zertteý satysyna jetti. Densaýlyq saqtaý mınıstrligi ruqsat bergen soń, kóp uzamaı jumys bastalady. Biz birneshe platformalarda jumys istep jatyrmyz. Qazaqstandyq ınaktıvatsııalanǵan vaktsına, is júzinde úshinshi fazanyń 50%-y osy belgige jaqyndady», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.
Mıras Dáýlenovtyń aıtýynsha, 19 naýryzda bıologııalyq qaýipsizdik máseleleri ǵylymı-zertteý ınstıtýty brıtandyq jáne ońtústikafrıkalyq KVI shtamdaryn alǵan. ǴZI polıvalentti vaktsına jasaý boıynsha da jumys istep jatyr.
«Osy baǵytta qandaı jumys atqaratynymyz týraly suraqtar týyndady. Instıtýt polıvalentti jańa vaktsınany jasaý ústinde. ıAǵnı, biz osy shtamdardy zerttep jatyrmyz jáne bolashaqta bul shtamdar bizdiń vaktsınalarymyzdy jetildirýde qoldanylady. Mundaı vaktsınalar negizinen polıvalentti – tumaýǵa qarsy vaktsınalar bolady. Sebebi tumaý únemi mýtatsııalanyp otyrady jáne vaktsınanyń tıimdiligin arttyrý úshin únemi jaqsy nátıje izdeý kerek», - dedi M. Dáýlenov.
Aıta keteıik, Bıologııalyq qaýipsizdik problemalary ǵylymı-zertteý ınstıtýty búginge deıin koronavıýrsqa qarsy vaktsınanyń 5 túrin ázirlegen.