Koronavırýsqa qarsy dári 2003 jyly jasalǵan - feık

NUR-SULTAN. QazAqparat - Qaznette koronavırýsty qalaı emdeıtinin adamdar 2003 jyldan beri biledi, ol kezde patogen pandemııa týdyrmaǵanyn dáleldeıtin beınerolık taratylýda. Bul habarlamanyń nege COVID-19-ǵa qatysy joq ekenin jáne aýrýdyń sıpattalǵan emi tıimdi emes ekenin aıtyp bereıik, dep habarlaıdy stopfake.kz.

Koronavırýs jáne ony qalaı emdeý týraly habarlama 2003 jyly shyqqan «Vestnık ZOJ» gazetinen oqylady. Ol kezde taraǵan koronavırýstardyń biri – SARS – aýyr jedel respıratorlyq sındrom týdyrǵan.

Ǵalymdar aýrýdy emdeýdiń tıimdi kestesin jasady, tipti oǵan qarsy vaktsına ázirleı bastady. Keıinnen bul ázirlemeler COVID-19 qarsy vaktsınalardyń negizine alyndy.
Sol jyldary jasalǵan jáne «Vestnık ZOJ» gazetinde sıpattalǵan emdeý shemalary ǵalymdarǵa 2019 jyldyń sońynda paıda bolǵan SARS-CoV-2 koronavırýsyn jaqsy túsinýge múmkindik bergenimen, ony COVID-19 emdeýde tolyq qoldanýǵa bolmaıdy.
Demek, vıdeoda kórsetilgen «Vestnık ZOJ» gazetinde COVID-19 jaıly emes, 2003 jyly taraǵan SARS koronavırýsynan týyndaǵan aýyr jedel respıratorlyq sındrom týraly aıtylady. Bul aýrýlar ártúrli jáne olardy emdeý joldary da ózgeshe, sondyqtan 2003 jylǵy gazetten alynǵan usynymdardy COVID-19 emdeý úshin qoldaný durys emes.