Koronavırýsqa qarsy búkilálemdik vaktsınatsııa qashan bastalady - ımmýnolog jaýaby

ALMATY. QazAqparat – S.Asfendııarov atyndaǵy QazUMÝ ımmýnologııa kafedrasynyń meńgerýshisi Elmıra Bıtanova onlaın brıfıng barysynda koronavırýsqa qarsy vaktsınatsııa týraly aıtty, dep habarlaıdy QazAqparat tilshisi.

Mamannyń aıtýynsha, ınfektsııamen kúrestiń basty tásili - vaktsınatsııa bolyp otyr.

«Koronavırýs únemi bolǵan. Ǵalymdar bul vırýstyń birneshe túrin biledi. Biraq vırýspen kóbine janýarlar - ıt-mysyqtar, qustar aýyratyn. Qazir adamdarǵa juǵatyn koronavırýstyń birneshe túri belgili. Onyń biri - ótkir respıratorlyq SARS ınfektsııasy men taıaý shyǵystyq MERS ınfektsııasy. Pandemııa bastalǵanda MERS pen SARS vaktsına negizi bolǵan. Qazir barlyq ǵylymı ortalyqtar sol negizge arqa súıeı otyryp, koronavırýs vaktsınasyn oılastyryp jatyr»,- dedi ol.

Qazir álemde koronavırýsqa qarsy barlyq jahandyq ǵylymı ortalyqtar kúsh biriktirip jatyr. Onyń ishinde DDSU men BUU basty ról oınaıdy.

«Bul uıymdar arnaıy qor qurdy. Bul qor 40 vaktsınany júrgizedi. 2021 jyldyń ortasyna taman búkilálemdik vaktsınatsııa bastalady. Ary ketkende keler jyldyń sońyna deıin vaktsınatsııa aıaqtalýy tıis. Onyń ishinde 40 memleketke vaktsına tegin jetkiziledi. DDSU taratqan aqparatqa sensek, Qazaqstan bul elder qataryna kirmeıdi. Biz ózimiz vaktsına satyp alamyz. Múmkin halyqaralyq kómek kórsetiler», - dedi ol.

Eń bastysy, vaktsına - qaýipsiz ári tıimdi.

Mamannyń aıtýynsha, halyqaralyq tájirıbege sáıkes 1 vaktsınany oılap tabý úshin 10-15 jyl ýaqyt ketedi.

«Bizde qazir ondaı ýaqyt joq. Qazir álemniń ǵylymı ortalyqtary tyǵyz ýaqytta aldyńǵy jasalǵan vaktsına negizderine arqa súıeı otyryp jańa baza jasap jatyr», - dedi ol.

Immýnologtyń aıtýynsha, keı elderde vaktsına oılap tabyldy. Qazir olar erikti adamdarǵa salynyp, klınıkalyq synaqtan ótip jatyr.

«Vaktsına qandaı bolsa da, onda tiri vırýs bolmaıdy. Tiri vaktsına - polıomelıt vaktsınasy. Bul - óte tıimdi vaktsına. Alaıda, kóptegen kóshbasshy kompanııalar tiri vaktsına jasaýmen aınalyspaıdy. Koronavırýs vaktsınasy jasandy bolary yqtımal. Bul materıalda qozdyrǵysh antıgeniniń aqparaty ǵana bolady. Álsiz qozdyrǵyshtar bolmaıdy. ıAǵnı, adamdarǵa vırýs juqpaıdy. Bul - óte qýanyshty jaıt», - dedi ol.

Elmıra Bıtanova tekserilmegen vaktsına esh jerde paıdalanylmaıtynyn aıtty.