Koronavırýsqa baılanysty jalǵan aqparat taratqan 3 túrkistandyq tergelip jatyr

TÚRKІSTAN. QazAqparat - Túrkistan oblysynda koronavırýsqa baılanysty jalǵan aqparat taratyp, jurtty dúrliktirgen 3 turǵynǵa qatysty tergeý júrgizilýde. Bul týraly Óńirlik kommýnıkatsııalar qyzmetin ótken brıfıngte oblystyq Polıtsııa departamenti bastyǵynyń birinshi orynbasary Ábdiǵanı Seıdýalıev málimdedi, dep habarlaıdy QazAqparat tilshisi.

Ábdiǵanı Seıdýalıevtiń aıtýynsha, Maqtaaral men Shardara aýdandary jáne Kentaý qalasynda osyndaı 3 derek tirkelip otyr.

«Bul turǵyndar koronavırýsqa baılanysty júrip jatqan oqý-jattyǵý jumystaryn uıaly telefonǵa túsirip, sol óńirlerde oba tarap jatyr degen maǵynada beınematerıaldardy áleýmettik jelilerge salǵan. Qazir tergeý amaldary júrýde. QR Qylmystyq kodeksiniń 274-shi baby «Kórineý jalǵan aqparat taratý» dep atalady jáne onyń sanktsııasynda 10 jylǵa deıin bas bostandyǵynan aıyrý jazasy kórsetilgen», - dedi Ábdiǵanı Toıshyuly

Polıtseıdiń sózinshe, atalǵan zań boıynsha kórineý jalǵan aqparat taratýshyǵa – bir myń aılyq eseptik kórsetkishke deıingi mólsherde aıyppul salynýy múmkin. Ne bolmasa sol mólsherde túzeý jumystaryna tartylady, nemese bir jylǵa deıingi merzimge bas bostandyǵy shekteledi, ne bir jylǵa sottalýy yqtımal.