Koronavırýs juqtyrǵan Vladımır Zelenskıı aýrýhanada jatyr

KIEV. ÝKRINFORM – QazAqparat – Koronavırýs juqtyrǵan Ýkraına prezıdenti Vladımır Zelenskıı men Prezıdent Keńsesiniń jetekshisi Andreı Ermak «Feofanııa» aýrýhanasynyń oqshaýlanǵan palatalarynda jatyr, dep habarlaıdy QazAqparat Ýkrınform agenttigine silteme jasap.

Bul týraly Prezıdent Keńsesi jetekshisiniń keńesshisi «Ýkraınskaıa pravda» basylymyna bergen suhbatynda málimdedi.

«Bári qatań hattamamen bekitilgen. Olar Feofanııada jatyr. Ol jerde Prezıdenttiń jıyn ótkizýine arnalǵan arnaıy kabınet jasaqtaldy», - dedi Podolıak.

Onyń aıtýynsha, memleket basshysynyń palatasynda arnaıy baılanys ornatylǵan. Ermaktyń mundaı kabıneti joq, tek oqshaýlanǵan palata ǵana bar.

Podolıak Prezıdenttiń de, Prezıdent Keńsesi basshysynyń da jumys kestesi qalypty ekenin atap ótti. «Jalǵyz shekteý – oqshaýlaný, jandarynda eshkim joq. ıAǵnı, Prezıdent pen Keńse basshysynyń janynda kómekshi joq, olar kommýnıkatsııalyq oflaında», - dedi Ermaktyń kómekshisi.

Onyń aıtýynsha, Zelenskıı karantın tártibin qatań ustanatyndyqtan, otbasymen kórispeıdi. Prezıdent Keńse basshysymen de tek telefon arqyly baılanysyp otyr.

Aıta ketsek, 9 qarashada Prezıdent Vladımır Zelenskıı men Prezıdent Keńsesiniń basshysy Andreı Ermaktan koronavırýs anyqtaldy.

11 qarashada Joǵary Rada basshysy Dmıtrıı Razýmkovtyń da koronavırýstyń bar-joǵyn anyqtaýǵa tapsyrǵan testi ınfektsııa bar ekenin kórsetti.