Koronavırýs juqtyrǵan Ýkraına prezıdenti aýrýhanaǵa jatqyzyldy

KIEV. Ýkrınform –QazAqparat – Ýkraına prezıdenti Vladımır Zelenskıı men onyń Prezıdent ofısi basshysy Andreı Ermak «Feofanııa» aýrýhanasynda em qabyldap jatyr. Bul týraly Prezıdent ofısi basshysynyń keńesshisi Mıhaıl Podolıak málim etti, dep habarlaıdy QazAqparat Ýkrınform agenttigine silteme jasap.

Onyń aıtýynsha, aýrýhanada prezıdenttiń beınebaılanys arqyly jınalys ótkizýi úshin jabdyqtalǵan arnaıy kabınet bar.

«Ol oqshaýlanǵan palatada jatyr. Sáıkesinshe onda arnaıy baılanys ornaıtylǵan», - dep atap ótti Podolıak.

Onyń aıtýynsha, Ermaktyń jeke oqshaýlanǵan palatasy bar, biraq arnaıy kabınet emes. «Feofanııadan» prezıdent pen onyń Keńsesiniń basshysy jumysyn jalǵastyrýda.

«Olarda standartty keste bar. Jalǵyz shekteý – oqshaýlaý, janynda eshkim joq. ıAǵnı kómekshilerdiń eshqaısysy prezıdenttiń nemese keńse basshysynyń janynda emes, olar kommýnıkatsııalyq oflaında», - dep túsindirdi ol.

Eske sala keteıik, 9 qarashada Ýkraına prezıdenti Vladımır Zelenskııge COVID-19 dıagnozy qoıyldy.

Osyǵan deıin habarlaǵanymyzdaı, Qazaqstan Prezıdenti Vladımır Zelenskııdiń tezirek jazylyp ketýine tilektestigin bildirdi.