Koronavırýs juqtyrǵan naýqastardyń ishinde 10 adamnyń jaǵdaıy aýyr
08:16, 20 Sáýir 2022
NUR-SULTAN. QazAqparat - Qazaqstanda sońǵy táýlikte 8 adam koronavırýs ınfektsııasynan jazylyp shyqty, dep habarlaıdy QazAqparat.
Vedomstvoaralyq komıssııanyń habarlaýynsha, indetten aıyqqandardyń 4-eýi Almaty qalasynda, 1-eýi Shyǵys Qazaqstan oblysynda, 2-eýi Jambyl oblysynda jáne 1-eýi Pavlodar oblysynda turady
«Elimizde barlyǵy 1 290 904 adam COVID-19-dan emdelip, saýyǵyp shyqty», - dep jazdy komıssııa áleýmettik jelidegi paraqshasynda.
Onda 20 sáýirdegi málimet boıynsha 1 791 naýqas koronavırýs ınfektsııasynan emdelip jatqany da aıtylǵan. 112 patsıent statsıonarda bolsa, 1 679 naýqas ambýlatorııalyq deńgeıde em qabyldap jatyr.
«KVI-ge shaldyqqandardyń arasynda 10 adamnyń jaǵdaıy aýyr, 2 patsıenttiń jaǵdaıy óte aýyr, 🔹 3 naýqas ÓJJ apparatyna tańylǵan», - dep habarlady vedomstvo.