Koronavırýs juqtyrǵan 222 naýqas ınfektsııalyq statsıonarlarda jatyr - Atyraý oblysy

ATYRAÝ. QazAqparat – Atyraý oblysynda ınfektsııalyq statsıonarlarda koronavırýsınfektsııasyn juqtyrǵan 222 naýqas jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken

táýlikte 32 adamnan qaýipti vırýstyń belgisi anyqtalǵan.

Onyń ishinde Atyraý qalasynda Covid-19 ınfektsııasyn juqtyrǵan 19 adam tirkelgen.

Teńiz ken ornynda 3 jumysshynyń koronavırýsqa shaldyqqany rastalǵan. Al, Jylyoı aýdanynda 6, Qurmanǵazyda – 2, Inder men Qyzylqoǵa aýdanynda bir-bir naýqas

anyqtalǵan.

Óz úıinde 3 248 adam em-dom alyp jatyr. Óńirdegi 2 360 oryndyq ınfektsııalyq

statsıonarlarda 222 naýqas emdelý úshin oqshaýlandy. Onyń ishinde modýldik aýrýhanada

– 109, ftızıopýlmanologııalyq ortalyqta – 49, aýdandardaǵy ınfektsııalyq statsıonarlarda – 48, sondaı-aq, №2 ekinshi oblystyq aýrýhanada 16 patsıent bar.

Sońǵy birneshe kúnnen beri Jylyoı aýdanynda ornalasqan Teńiz ken ornyndaǵy ınfektsııalyq statsıonarda emdelýge jatqyzylǵan birde-bir naýqas joq.

Eske sala ketelik, buǵan deıin Atyraý oblysynda koronavırýs ınfektsııasynan 2 adam

qaıtys bolǵanyn habarlaǵan edik.