Koronavırýs jáne pnevmonııa juqtyrǵan 1,2 myń medqyzmetker ótemaqy aldy

NUR-SULTAN. QazAqparat - 1,2 myńnan astam medıtsına qyzmetkeri COVID-19 ınfektsııasyn jáne pnevmonııany juqtyrýyna baılanysty MÁSQ-tan tólemder aldy. Bul týraly QazAqparat Eńbek mınıstrliginiń baspasóz qyzmetine silteme jasap habarlaıdy.

COVID-19-ben kúresýge tartylǵan 1 259 medıtsına qyzmetkeri koronavırýstyq ınfektsııany nemese vırýstyq pnevmonııany juqtyrǵan jaǵdaıda memlekettik áleýmettik saqtandyrý qorynan (budan ári – MÁSQ) beriletin birjolǵy áleýmettik tólemdi aldy.

Sondaı-aq, MÁSQ aýrýdyń saldarynan qaıtys bolǵan 11 medıtsına qyzmetkeriniń týystaryna tólemder aýdardy.

Budan buryn habarlanǵandaı, joǵaryda atalǵan tólem tólenetin medıtsına qyzmetkerlerin óńirlerdiń jáne respýblıkalyq mańyzy bar qalalardyń densaýlyq saqtaý basqarmalary janyndaǵy arnaıy komıssııalar aýyrǵan medıtsına qyzmetkerlerin tekserý nátıjeleri negizinde anyqtaıdy. Ótinimderdiń jınaqtaýdy QR Densaýlyq saqtaý mınıstrligi júzege asyrady, odan keıin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsııasy» KEAQ-qa beriledi, keıin tólem taǵaıyndaý úshin MÁSQ-ǵa jiberiledi.

MÁSQ COVID-19 nemese vırýstyq pnevmonııa juqtyrǵan 1 259 medıtsına qyzmetkeriniń ótinishi boıynsha jáne aýrýdyń saldarynan qaıtys bolǵan 11 medıtsına qyzmetkeriniń ótinish boıynsha aqshalaı qarajatty taǵaıyndaý men tóleýdi júzege asyrdy.

Óńirler bólinisinde medıtsına qyzmetkerlerine COVID-19 nemese vırýstyq pnevmonııany juqtyrý jaǵdaıyna tólemderdiń eń kóp sany Nur-Sultan (251) jáne Almaty qalalarynan (139), Almaty (105), Qaraǵandy (97) jáne Aqmola (95) oblystarynan júrgizildi.