Koronavırýs vaktsınasynan keıin ilespe aýrýlardan qansha adam qaıtys boldy

NUR-SULTAN. QazAqparat – Koronavırýsqa qarsy vaktsına alǵan adamdardyń ishinde ilespe aýrýlardyń saldarynan kóz jumǵandardyń sany qansha? Bul týraly QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Azamat Dúısenov aıtty, dep habarlaıdy QazAqparat tilshisi.

«Koronavırýs ilespe patologııa bolǵan basqa aýrýlardan bolatyn ólim-jitim boıynsha aıtsaq, osy jyldyń 8 aıynda barlyǵy 2185 adam qaıtys boldy. Qańtarda – 273, aqpanda – 221, naýryzda – 187, sáýirde – 154, mamyrda - 189, maýsymda - 405, shildede - 266, tamyzda 490 jaǵdaı tirkeldi», - dep túsindirdi Azamat Dúısenov.

Onyń aıtýynsha, aqpan-tamyz aılarynda vaktsınanyń eki komponentin de alǵannan keıin koronavırýstan qaıtys bolǵandar sany – 482 adam, nemese 5% boldy.

«Óńirler bólinisinde vırýstan qaıtys bolǵandardyń úles salmaǵy Túrkistan oblysynda, Shymkentte, Shyǵys Qazaqstan jáne Qostanaı oblystarynda kóbirek baıqalady. Vaktsınalar boıynsha júktesek, eń úlken úles «Gam-KOVID-Vak»-qa (Spý́tnık V- red.) tıesili – 75,3%. Sodan keıin – Hayat-Vax-te - 15,5%» - dedi Medıtsınalyq kómekti uıymdastyrý departamentiniń dırektory.