Koronavırýs vaktsınasyn 6 aı saıyn saldyryp turǵan jón - sarapshy

NUR-SULTAN. QazAqparat – Qazaqstan azamattaryna ár 6 aı saıyn koronavırýsqa qarsy vaktsına alý usynylady. Bul týraly QR DSM vaktsınamen basqarylatyn ınfektsııalardy baqylaý basqarmasynyń bas sarapshysy Aıdana Ergasen aıtty, dep habarlaıdy QazAqparat tilshisi.

«Adam eń aldymen 2 dozamen tolyq vaktsınatsıtsııadan ótýi kerek. Sodan keıin 6 aıdan keıin ımmýnıtet tómendeı bastaıdy. Ony zertteýler kórsetip otyr. Sondyqtan 6 aıdan soń 3-dozany, taǵy 6 aıdan soń 4-dozany alýdy usynamyz. Onyń adam aǵzasyna keri áseri joq. Qaıta koronavırýs ınfektsııasyna qarsy ujymdyq ımmýnıtetti saqtap turady. Jańa shtamdardyń shyǵýyna tosqaýyl bolady», - dedi Aıdana Ergasen ortalyq kommýnıkatsııalar qyzmetindegi baspasóz máslıhatynda.

Aıta keteıik, qazirgi ýaqytta Qazaqstanda vaktsınanyń úsh túri qoljetimdi, olar – QazVac, Sinopharm jáne Pfizer. Revaktsınalaý úshin – QazVac jáne Sinopharm bar.