Koronavırýs: Ulybrıtanııada 6 aıǵa sozylýy múmkin jańa shekteýler engiziledi

LONDON. QazAqparat – Ulybrıtanııanyń premer-mınıstri Borıs Djonson koronavırýsqa baılanysty jańa shekteý sharalaryn jarııalaı otyryp, Ulybrıtanııanyń «jańa qaýipti kezeńge» jetkenin aıtty. Ol alty aıǵa sozylýy múmkin, dep habarlaıdy QazAqparat VVS-ge silteme jasap.

Jańa ereje boıynsha dúken qyzmetkeri betke arnalǵan maska taǵýǵa mindetti, al toıǵa 15 adamnan artyq qatysýǵa bolmaıdy.

Jıyn men maska taǵýǵa qatysty erejeni buzǵany úshin salynatyn aıyppul kólemi birinshi retke 200 fýnt sterlıngke deıin kóbeıedi.

Sonymen qatar ol qajet bolǵan jaǵdaıda budan da qatań shekteý engizilýi múmkin ekenin eskertti.

Borıs Djonsonnyń aıtýynsha, seısenbi kúni Shotlandııa, Ýels jáne Soltústik Irlandııa kóshbasshylarymen kezdeskennen keıin osyǵan uqsas sharalar Ulybrıtanııanyń barlyq aımaǵynda qabyldanady.

Eske salsaq, buǵan deıin Ulybrıtanııada jańa tıpti koronavırýs indeti sharyqtaý shegine jetkeni týraly habarlaǵan bolatynbyz.