Koronavırýs: Ulybrıtanııa halyqtyń shetelge shyǵýyna ruqsat beredi, Izraılde ata-analarǵa aıyppul salynady
Ulybrıtanııa bıligi koronavırýsqa qarsy ekpe saldyrǵan turǵyndardyń álem boıynsha saıahattaýyna ruqsat berýdi josparlap otyr.
Bul týraly Densaýlyq saqtaý mınıstri Mett Hankok málimdedi.
Bul azamattarǵa Frantsııa, Italııa, Ispanııa, Portýgalııa, Gretsııa jáne AQSh sııaqty memleketterge barýǵa múmkindik beredi.
Onyń aıtýyna qaraǵanda, Úkimet vaktsınatsııa arqyly álemniń kez kelgen elinde erkin júrý múmkindigin qalpyna keltirýge septigin tıgizetin josparlardy iske asyrmaq.
«Bul sharalar klınıkalyq turǵydan áli usynylǵan joq. Biz osy máselelerdi qazirgi tańda sheship jatyrmyz. Vaktsınatsııa baǵdarlamasynyń maqsaty da sol. Mine, sondyqtan árbir eresek adamnyń ekpe alýy óte mańyzdy», - dep túsindirdi mınıstr.
Sonymen qatar, saıahatshylarǵa úıge oralǵannan keıin oqshaýlanýdyń qajeti de bolmaıdy.
Izraıldiń Densaýlyq saqtaý mınıstrligi balalarynyń karantın talaptaryn buzǵany úshin ata-analarǵa 5000 shekel (shamamen 660 myń teńge) aıyppul salý sanktsııasyn engizdi.
Tıisti buıryqqa densaýlyq saqtaý mınıstrliginiń Bas dırektory professor Hezı Levı 23 maýsymda qol qoıdy.
Bul shara Sovid-19 ınfektsııasyn juqtyrý oqıǵalary sanynyń artýyna baılanysty qolǵa alynyp otyr.
Infektsııany juqtyrýdyń jańa epızodtary eldiń ártúrli aımaqtarynda tirkelýde.
Endi karantınge jatqyzylǵan bala shekteý sharalaryn buzǵan jaǵdaıda, balamen birge turatyn eresek adamǵa 5000 shekel aıyppul salynýy múmkin.
Kolýmbııaǵa Janssen vaktsınasynyń alǵashqy partııasy jetkizildi.
El prezıdenti Ivan Dýke óziniń Twitter-inde Kolýmbııaǵa Janssen kompanııasy shyǵarǵan ekpeniń alǵashqy 480 myń dozasynyń jetkizilgenin habarlady.
Onyń aıtýynsha, vaktsınanyń bul partııasy eldiń shalǵaı aýdandaryndaǵy turǵyndardy ekpemen qamtamasyz etýge múmkindik beredi.
Kolýmbııada COVID-19 koronavırýs ınfektsııasy anyqtalǵan jaǵdaılardyń sany shamamen 4 mıllıondy quraıdy.