Koronavırýs: Ulttyq Olımpıadalyq komıtet málimdeme taratty
Búgin Memleket basshysy Qasym-Jomart Toqaev Qazaqstan azamattarynyń densaýlyǵyn qorǵaý maqsatynda keshendi sharalar qabyldaýdy tapsyrdy. Osyǵan baılanysty Qazaqstan Ulttyq Olımpıada komıtetiniń prezıdenti Tımýr Qulybaev ulttyq quramalardyń qaýipsizdigin baqylaýdy kúsheıtetinin málimdedi.
«Ulttyq Olımpıadalyq komıtet úshin sportshylardyń densaýlyǵy óte mańyzdy. Saqtyq sharalarymen qatar, qaýipsizdik sharalaryn da kúsheıtý qajet. Bizde ulttyq federatsııalarmen birge koronavırýstyń taralmaýy jáne qazaqstandyq sportshylardy indetten qorǵaý boıynsha aldyn-alý sharalaryna qatysty birtutas jáne berik ustanym bolýy kerek. Aldyn alý sharalarynyń barlyǵyn qoldaný kerek», - dedi Tımýr Qulybaev.
UOK basshysynyń tapsyrmasy boıynsha qurylǵan sıtýatsııalyq shtab quramyna túrli departamenttiń qyzmetkerleri kirdi. Arnaıy shtab qyzmetine kúndelikti monıtorıng júrgizý,qazaqstandyq sportshylardyń qaýipsizdigin qamtamasyz etý úshin usynystar ázirleý jáne qajet bolǵan jaǵdaıda shuǵyl sharalar qoldaný kiredi.
Qazaqstan UOK shtab-páterinde UOK bas hatshysy Sáken Musaıbekov, vıtse-prezıdent Andreı Krıýkovtyń basqarýymen memlekettik jattyqtyrýshylar men ulttyq federatsııa ókilderine arnalǵan jınalys ótti. Jıynda ulttyq federatsııalarǵa qazaqstandyq komandalardyń sheteldik oqý-jattyǵý jıyndary men jarystarǵa qatysý kestesin qaıta qaraý usynyldy.
«Qazaqstan UOK Prezıdentiniń tapsyrmasy boıynsha ulttyq qurama komandalardyń qazaqstandyq sportshylarynyń sheteldik saparlarynyń kestesin qaıta qaraý, olardyń shetelde kúndelikti baqylaýda ustaý, ár sportshymen túsindirme jumystaryn júrgizý, koronavırýs ınfektsııasynyń aldyn alý jónindegi is-sharalardy odan ári kúsheıtý jónindegi Bas memlekettik sanıtarlyq dárigerdiń qaýlysymen Qazaqstan Respýblıkasynda belgilengen sharalardy saqtaý qajet. Jarystardyń keıinge shegerilýine baılanysty jaǵdaıdy baqylaý úshin jáne 1 mamyrǵa deıingi sheteldegi sporttyq jarystardyń kestesin qaıta qaraý úshin ulttyq federatsııalar halyqaralyq jáne Azııalyq federatsııalarmen únemi baılanysta otyrý qajet», - dedi UOK bas hatshysy Sáken Musaıbekov.
Qazaqstan UOK barlyq ulttyq sport federatsııalaryn olımpıadalyq sport túrlerinen jaǵdaıdy erekshe baqylaýda ustap, sportshylardyń densaýlyǵyn barynsha qadaǵalaýǵa shaqyrdy.