Koronavırýs: Tynys alý jattyǵýlarynyń paıdasy bar ma

NUR-SULTAN. QazAqparat - Koronavırýstyń jedel kezeńinde tynys alý jattyǵýlaryn jasaý zııandy. Bul týraly Astana medıtsına ýnıversıteti balalar ınfektsııalyq aýrýlary kafedrasynyń meńgerýshisi, PhD doktory, ınfektsıonıst-dáriger Baıan Turdalına aıtty, dep habarlaıdy QazAqparat tilshisi.

«Kez kelgen adam koronavırýs vırýsty, ıaǵnı juqpaly protsess ekendigin umytpaýy tıis. Árıne, juqpaly protsess kezinde ókpede, jalpy aǵzada ártúrli ózgerister bolýy múmkin. Jalpy, tynys alý jattyǵýlary tıimdi. Biraq, jedel kezeń aıaqtalǵannan keıin ǵana. Kez kelgen ınfektsııalyq aýrýlardyń jedel kezeńindegi tynys alý jattyǵýy nemese basqa da fızıoterapııalyq ádister tek zııanyn tıgizedi», - dedi Baıan Turdalına.

Sondyqtan onyń atap ótýinshe, tynys alý jattyǵýyn patsıent statsıonarda negizgi emin alyp bolyp, úıine jiberilgennen keıin ǵana jasaýy qajet.

«Bul jattyǵýlardyń ókpe qyzmetin qaıta qalpyna keltirýdegi mańyzy óte zor», - dedi ınfektsıonıst-dáriger.