Koronavırýs tuzdy sýda óledi degen jalǵan aqparat - ınfektsıonıst

ALMATY. QazAqparat – Almatyda ótken onlaın brıfıng barysynda ınfektsıonıst dáriger Tamara Ýtaǵanova koronavırýsten emdeý týraly el arasyndaǵy alyp qashpa sózderge túsinik berdi, dep habarlaıdy QazAqparat tilshisi.

«Koronavırýs tuzdy sýda óledi degen kóp aıtylyp júr. Ol jalǵan aqparat. Bul vırýs tek antıseptık pen dezınfektsııalyq quraldardyń barlyǵynan óledi. Qazir Qazaqstannyń ózinde emdeý hattamasynyń 11 redaktsııasymen emdep jatyrmyz. Emdeý hattamasy búkil álem boıynsha jınalǵan tájirıbe, úırengen mashyqtar, dárilerdiń qoldaný tájirıbesi, dıagnostıkalyq quraldardy qoldaný tájirıbesi jınaqtalǵanda ózgerip otyrady. Qazir Qazaqstandavırýsqa qarsy terapııa qaıta qaralǵany ras. Buryn DDU usynǵan «Gıdrokslıohlorohın», «Lapınovır» preparattaryna qazir tyıym salynǵan. Onyń ornyna «Remdesıvır», «Favıpırovır» preparattary qosyldy», - dedi T.Ýtaǵanova

Eske salsaq, buǵan deıin koronavırýsty emdeıdi degen jeleýmen Kóbeıtuz kóli tuzynyń kelisi áleýmettik jelide 5 myń teńgeden satylyp jatqany týraly habarlaǵan bolatynbyz.