Koronavırýs: Túrkııa arqyly Eýropaǵa baratyn mıgranttar tasqyny kúrt azaıdy
Eger indet bastalǵanǵa deıin Eýropaǵa Aýǵanstan, Pákistan, Irak, Iran jáne Sırııa tárizdi elderden myńdaǵan mıgranttar men bosqyndar ótýge umtylsa, sońǵy aılarda olardyń sany aıtarlyqtaı qysqardy.
Túrkııanyń jaǵalaý kúzeti basqarmasy, polıtsııa jáne jandarmerııa Egeı teńizi ǵana emes, Jerorta jáne Qara teńiz arqyly ótýge árekettengen mıgranttar tasqynynyń jolyn kesý úshin barlyq sharalardy júzege asyrýda.
Anadoly agenttiginiń Túrkııanyń jaǵalaý kúzeti basqarmasyna silteme jasap habarlaýynsha, naýryzdan maýsym aıynyń alǵashqy kúnderine deıin osy eldiń mańyndaǵy teńizderden 2 907 mıgrant ustalǵan.
Al sáýirde bul kórsetkish 253-ke kemise, mamyrda 582 adamdy qurady.
Eger 2019 jyldyń naýryz-mamyrynda Túrkııanyń jaǵalaý kúzeti Eýropaǵa ótpek bolǵan 7 173 mıgrantty qolǵa túsirse, bıylǵy jyldyń sáıkes kezeńinde eki ese az, ıaǵnı 3 742 mıgrantty ustaǵan.