Koronavırýs: Túrkistan oblysynda 995 myńnan asa adam ekpe qabyldaǵan

TÚRKІSTAN. QazAqparat - Túrkistan oblysynda 995 myńnan asa adam koronavırýs ekpesin qabyldady. Ekinshi komponentpen 940 981 adam vaktsına saldyrǵan, dep habarlaıdy QazAqparat tilshisi.

Sońǵy táýlikte óńirde 27 adamda COVID-19 indeti anyqtalyp, táýliktik ósim 0,17 paıyzǵa jetip qaldy. Qazir oblystaǵy juqpaly aýrýlar aýrýhanasynda barlyǵy 930 oryn bar.

Aıta keterligi, Jetisaı aýdanynda turǵyndardyń 98 paıyzy ekpe qabyldaǵan.

Sońǵy ýaqytta júkti áıelder arasynda pnevmonııaǵa shaldyǵýy jıilep otyr. Qazirgi tańda aýdandyq ınfektsııalyq aýrýhanada 51 naýqas emdelip jatsa, olardyń 27-si júkti áıel. Mamandar munyń sebebin bala bosanatyn kelinshekterdiń vaktsına qabyldamaýy sebep bolýy múmkin dep otyr. Onyń ústine dúnıege keletin bala men anasynyń densaýlyǵyn oılap, aýrý belgileri baıqalǵan jaǵdaıda dereý gospıtalǵa jatqyzylýda.

Dárigerler aldaǵy ýaqytta júkti áıelder men jasóspirimderge de vaktsına salynǵan kezde indetke shaldyqqan naýqastar sany azaıady degen senimde. Qazir aýdandyq aýrýhanada jańa ekpeni qabyldap, egýge daıyndyq jumystary júrgizilip jatyr.