Koronavırýs: Taldyqorǵan «qyzyldan» «sary» aımaqqa aýysty
25 mamyr kúni oblys ortalyǵy qyzyl aımaqta bolǵandyqtan túlekterge sońǵy qońyraý onlaın formatta ótken bolatyn.
Sońǵy táýlikte 96 adam koronavırýs juqtyrǵan. Onyń altaýy - 14 jasqa deıingi balalar jáne stýdentter arasynda 1 jaǵdaı tirkelgen.
«Almaty oblysynda 26 mamyrdaǵy epıdemıologııalyq jaǵdaı jaqsarý úrdisimen qolaıly dep baǵalanady. Oblys jasyl aımaqta ornalasqan. Óńirde 4 aýdan qyzyl aımaqta, olar – Іle, Panfılov, Balhash, Sarqan. Sary aımaqta – Taldyqorǵan qalasy, Talǵar, Qaratal, Uıǵyr, Eskeldi, Jambyl jáne Alakól aýdandary ornalasqan. Qalǵan aýdandar jasyl aımaqta» delingen Almaty oblysy boıynsha sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, Almaty oblysynda 2020 jyldyń naýryz aıynan bastap barlyǵy 25 583 zerthanalyq rastalǵan KVI jaǵdaıy tirkelgen.
Onyń ishinde 15 969 KVI belgileri bar.
Sońǵy 14 kúnde koronavırýs ınfektsııasynyń 2197 jaǵdaıy tirkeldi. Oblys boıynsha KVI ósý qarqyny sońǵy 2 aptada 0,7% - dan 0,5% - ǵa deıin tómendedi.
Biraq kórsetkishter oblystyq kórsetkishtiń ósý qarqynynan asatyn aýdandar bar.
Sońǵy aptadaǵy ósimniń eń joǵary qarqyny Balqash – 0,9%, Іle – 0,9%, Jambyl – 0,7%, Qarasaı – 0,6%, Sarqan – 1,3%, jáne Talǵar 0,8% aýdandarynda baıqalady.
Sońǵy táýlikte KVI- diń 96 jaǵdaıy tirkeldi. Ósý qarqyny - 0,4%.
77 sımptomdyq, 25 sımptomsyz jaǵdaı.
«Epıdemıologııalyq tekserý arqyly ınfektsııanyń senimdi jáne yqtımal oryndary anyqtaldy. Máselen, bir otbasy múshelerinen aýrý juqtyrýy – 29,2%, jumys orny boıynsha baılanystar – 2,8%, bazarlar - 24,2%, saýda obektileri (SOO, SÚ, dúkender, dárihanalar) - 13,6%, qoǵamdyq kólik - 12,1% jáne otbasylyq is-sharalar (toı, qudalyq jáne basqa) - 13,6%» dep tolyqtyrdy atalǵan vedomstvonyń baspasóz qyzmeti.