Koronavırýs: Taekvondodan Olımpıadaǵa irikteý týrnıri maýsymda ótetin boldy

NUR-SULTAN. QazAqparat – Iordanııanyń Amman qalasynda taekvondodan Azııa qurlyqtyq irikteý týrnıriniń ýaqyty ózgerdi, dep habarlaıdy QazAqparat tilshisi.

Halyqaralyq taekvondo federatsııasy habarlaǵandaı, koronavırýs indetiniń álemde taralýyna baılanysty mańyzdy týrnırdiń ýaqyty ózgerdi.

«Qurmetti áriptester, aldynda habarlaǵanymyzdaı, Iordanııa taekvondo federatsııasy 10 - 12 sáýir kúnderi Ammanda ótetin qurlyqtyq irikteý týrnıriniń ýaqytyn shegergen bolatyn. Halyqaralyq taekvondo federatsııasy, Azııa taekvondo federatsııasy men Iordanııa taekvondo federaııa aqyldasa kele jarys ýaqytynyń ózgeretini týraly sheshim qabyldadyq. Nátıjesinde, Olımpıada oıyndaryna Azııa aımaǵynyń irikteý týrnıri 5 – 7 maýsymǵa aýystyrylady. Jarys ótetin jer aldaǵy ýaqytta habarlanady», delingen resmı habarlamada.

Esterińizge sala keteıik, bul kúnderi Qazaqstanda ótýi tıis kóptegen jarystar da keıinge shegerilgen bolatyn.