Koronavırýs: ShQO halqynyń 85 paıyzǵa jýyǵy vaktsına aldy

ÓSKEMEN. QazAqparat – Shyǵys Qazaqstan oblysynda koronavırýsqa qarsy vaktsınalaý qarqyndy júrgizilýde, dep habarlaıdy QazAqparat tilshisi.

ShQO ákimdiginiń málimetine súıensek, 29 qazandaǵy jaǵdaı boıynsha óńir jurtshylyǵynyń 84,5 paıyzy COVID-19 ınfektsııasyna qarsy vaktsınanyń birinshi komponentin saldyrǵan. Al vaktsınalaý protsedýrasyn tolyq aıaqtaǵandar úlesi – 75,2%-dy qurap otyr.

«Oblysta vaktsınanyń eki komponentin alǵan turǵyndar sany boıynsha Úrjar (jalpy turǵyndar sanynyń 98,1 paıyzy), Besqaraǵaı (96,4%) jáne Zaısan (95%) aýdandary aldyńǵy qatarda tur. Al eń tómengi orynda Óskemen qalasy (65,7%) men Glýbokoe (63,4%), Shemonaıha (58,7%) aýdandary tur», - delingen aqparatta.

Sońǵy táýlikte óńir boıynsha 120 adam koronavırýsqa shaldyqqan.

Esterińizge sala ketsek, osyǵan deıin Shyǵys Qazaqstan oblysynyń «qyzyl» aımaqqa ótkendigin habarlaǵan bolatynbyz.