Koronavırýs: ShQO-daǵy statsıonarlarda 400-den astam adam emdelip jatyr

ÓSKEMEN. QazAqparat – Shyǵys Qazaqstan oblysyndaǵy statsıonarlarda 400-den astam adam emdelýde, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha sońǵy táýlik ishinde COVID-19 ınfektsııasyn juqtyrǵan 40 adam tirkeldi. Onyń ishindegi 37 naýqasta sımptom bar bolsa, 3 adam syrqatyn sımptomsyz ótkerýde.

«Bir kúnde 21 patsıent koronavırýstan tolyqtaı saýyǵyp shyqty. 7 sımptomsyz vırýs tasýshy úı karantınin aıaqtady. Qazirgi ýaqytta oblys boıynsha statsıonar jaǵdaıynda 432 patsıent em-dom qabyldap jatyr. Jalpy oblysta statsıonarlarda tósek-oryn júktemesi – 15%-dy quraıdy», - delingen aqparatta.

Esterińizge sala ketsek, osyǵan deıin elimizde «Pfizer» vaktsınasynyń I dozasyn saldyrǵan adam sany 100 myńǵa jýyqtaǵany habarlanǵan bolatyn.