Koronavırýs: ShQO-daǵy statsıonarlarda 151 adam emdelip jatyr

NUR-SULTAN. QazAqparat – Shyǵys Qazaqstan oblysyndaǵy statsıonarlarda 151 adam koronavırýstan emdelip jatyr, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 ınfektsııasyn juqtyrǵan 12 adam tirkeldi. Onyń ishindegi 10 naýqasta sımptom bar bolsa, 2 adam syrqatty sımptomsyz ótkerýde.

«Bir kúnde 26 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 151 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 6,9 paıyzdy quraıdy», - delingen aqparatta.

Esterińizge sala ketsek, osyǵan deıin elimizde ótken táýlikte 253 adamnan koronavırýs ınfektsııasynyń anyqtalǵany habarlanǵan.